第一次去BB展：BB Expo 23rd 之贈品攻略

第一次去荷花展，事前有媽媽群已分享了如何有計劃地去拎贈品，知道有某些攤位是重點排。我咩都唔係太識，當然唔係好大計劃甘去計劃晒路程，只係之前上網睇下場地圖，將之前係網上報到既講座同拎禮物code記低係電話，等自己唔好唔記得。大約預左時間去聽講座同行其他攤位，然後當日早上就同老公拖車仔出發了。

當日由朋友帶左我入去先，想去左雪印度報講座，因為有入院套裝送，但朋友話我知一早已經滿晒，之後知道原來d人係要一早未開場就排定隊然後一開門就衝去排！都傻既，安排極差，又沒網上預先報名，仲要有些唔係孕婦走去都照俾報，我同媽媽群既媽媽都怒罵雪印！對佢地印象好差，希望佢地下次改善下啦！

其他大攤位其實預左一定要排架啦，例如美贊臣換車仔，惠氏換串串積木，牛欄換碗同餐具，雅培換發聲熊仔等。最後因為沒時間，換唔到車仔同串串積木，不過唔緊要啦，BB都未岩玩啦，下次去換過！

整天行程如下：

早上入場排惠氏營養師服務及報講座

12:30-2:00 美贊臣

2:15-3:00 雀巢

3:00-3:30 惠氏

5:30-6:00 美素佳兒

中間空檔就去了排牛欄，雅培，安滿，美贊臣，以及其他攤位拎試用。當日我地行到人地收檔，約7點半，收穫都豐富！

夏日妝容你要知 - 「夏日彩妝工作坊」

夏日炎炎除左係商場行街嘆冷氣，仲可以做咩？今個夏天有化妝師阿Will同另一位女化妝師教你夏日必備妝容，兩款不同妝容適合不同性格及場合，而且需要用的化妝品也不多，需時也只不過十數分鐘，就可以輕鬆出門，好適合平日忙碌的大家。個人比較喜歡Will所示範的妝容，比較有色彩，我本身也是較倉白，如果有點色彩人睇起來也精神好多，哈哈！今次的場地在旺角新之城，很方便去完工作坊後到附近行街，順便睇下有咩岩入下貨先！

首先是阿Will的示範，由上粉底開始，然後到眼，唇部份。橙色的胭脂也是本季hot pick。

之後是女化妝師的素顏翻工示範，主要是突出輪廓，打陰影，當中也教我們如何去按淋巴去垃圾。

之後就主持向兩位大師發問了。大家也很留心的聽講呢。

示範完後大家可以隨便試用，有礦物化妝品系列。

另外也有阿Will示範用的化妝品，在新之城的店也有售。

最後大家也有一套靚靚試用及手機鏡頭仔回家試用試玩。

一盒就解決夏日底妝問題 - I-MIIX防曬氣墊粉底

韓風的確是深入民心，不單是劇集，化妝品護膚品都無處不在。雖則我不是韓迷，但也對韓國護膚化妝品有興趣，因為價錢經濟，身邊朋友也有不少好評。一到夏天我就會為著粉底傷腦筋，foundation怕太厚，bb cream又怕唔夠遮暇度，所以對氣墊粉底很有興趣。

一盒就有齊五大功能，美白保濕細緻調色防曬一take過，想再遮多少少就加多層，唔好覺厚，一點都黏立，上埋碎粉就簡單粉妝完成！就算平日出街想偽素顏下都得，唔使特別加其他野，岩晒懶人一族的我呢！細細盒方便帶出街，旅行都好方便。最貼心係隨盒附贈多一個refill，真係好加多個讚！

紫色的包裝好靚，浪漫紫！

盒頂寫明粉底顏色，盒底有出產日期，盒側有詳細介紹。

來自韓國，很欣賞有多一盒的refill，夠晒呢個夏天日日用！

打開盒蓋，會見到專用粉卜，再揭起蓋，就會見到有張保護膠貼，使用完要貼翻實防乾。盒底會寫明咩色。

輕輕一按就有適量粉底，由內到外塗抹全面。有位要遮就輕塗多層。

未上面時明顯見到色斑，上面加碎粉後已能遮到大部分淡色的斑斑，白淨左，有均勻膚色作用。

夏日透心涼的潔淨之選- DoMeCare黑裡透白凍膜

以為竹炭係用來除味，放係鞋度除菌。但原來唔係甘簡單，竹炭可以用來吸附皮膚油脂污垢，有清潔作用。台灣皮膚科醫生推薦，而且仲含有多種天然萃取成分，台灣製造，放心使用。喜歡面膜的冷凍舒緩，為炎炎夏日帶來陣陣涼意。gel狀質地很容易推，味道也清淡，沒有重香料味道。很喜歡上面的感覺，隨包裝送的小刮很貼心，刮面膜很方便，唔使用手甘麻煩，讚！能夠溫和的清潔毛孔，比用針清拔出快捷，唔使忍痛呢，哈哈！

今個夏天有黑裡透白凍膜幫手去角質同黑頭粉刺。

黑色包裝盒上印有出廠及有效日期，同時教埋你點用。

平日化妝就可以執到，但卸妝後皮膚就咩都見到，哈哈，有斑唔緊要，但如果污糟就真係唔多掂。

罐上有個防偽，也有產品使用說明，製造商等資料。

扭開蓋後內有小睇刮，同有塊半透明內蓋，一打開就見到黑色令令似gel狀的需膜，好像龜苓膏，哈哈。

上手很清涼，上面就更加凍涼，建議使用膠刮塗上面，容易控制厚度。

使用前皮膚較油，而且角質較厚。用後清洗完，凍涼感仍然存在，皮膚角質層清走左，感覺乾淨清爽。

好大盒，每次就算搽厚些都可以用到好多次。

七月份產前講座分享: 惠氏營養諮詢, 荷士蘭, 美贊臣及雀巢

1) 惠氏一對一營養諮詢

*早前收到惠氏短訊的邀請，有免費一對一的營養師面談服務，仲要有禮物送，東然第一時間打電話去報名，好快就收到電郵可以打電話預約了。約左24/7去見營養師，服務很貼心，除了基本的度高磅重，會很詳細的問你的病歷及飲食，然後再俾意見你應該要點改善，成個過程可以同老公一齊聽，都差不多成半個鐘。之後會有禮物送翻俾你，最吸引既係有初生奶粉同埋孕婦面膜！

2) 荷士蘭講座

*係BABY KINGDOM見到有，於是報名。後來知道原來早到會有COUPON送，於是25/7當日我地早左到場，見到有隻藍色牛牛，好熟口面，之前係廣告見過，袁詠儀做代言人的。即場UPLOAD相送隻牛牛俾你，可以第時俾BB玩。講座準時開始，最初比較悶，聽到我又餓又眼訓，後來有個教育學家講早期教育，如何運用五官，先比較精神。最吸引的是完場派的超市現金劵，禮物是濕紙巾或口水肩兜。

3) 美贊臣講座

*參加了27/7的講座，原本以為係聽嬰兒護理，誰知去到變了生產過程。又見到孫醫生了，知道原來他是美贊臣的顧問醫生。孫醫生的講解還是跟之前的一樣精彩，所以聽多次都唔緊要。現在送的媽媽奶改為直接送到府上，不作現場派發，估計是不希望被樓下的一班水貨客圖利。

4) 雀巢講座

*參加了30/7的嬰幼兒敏感講座，內容係講述嬰兒常見敏感，有濕疹及哮喘等。我可是很留心聽呢！其實最容易令嬰兒敏感的是牛奶，所以世衛建議以母乳哺餵嬰兒。講座中有示範能恩奶粉中的乳清強白較容易消化及減低致敏，唯一不足的是示範育嬰技巧比較趕，下次可以把握好時間分配。禮物好像比之前的講座少，怪不得在網上也看到有人愛帖說為什麼現在的雀巢講座禮物大縮水，哈哈！