暗瘡印bye bye~曼秀雷敦暗瘡除疤啫哩

細細個時已經用過曼秀雷敦潤唇膏，夠潤，價錢又實惠。而家大過左，曼秀雷敦都有產品岩熟女，哈哈！無論咩年紀都有既暗瘡問題，最難對付係爆完暗瘡後個印，真係好難退。雖然最近沒爆瘡，但印都哈少，經過歲月洗禮依舊存在。爆個陣護理不足唯有靠之後補救。用左除疤啫哩後，陳年舊印慢慢甘淡左，又唔會係同一個位爆，用後感覺絕不黏立，很清爽。不會像其他酒精成份的去抽乾水份，不刺激。所以用價廉物美來形容真係唔過份呢！

綠色包裝盒，經典的logo即刻回到中學年代！

盒兩側有介紹暗瘡如何形成印痕，以及使用後效果。

一支有12g可以用好耐，盒底標明有限日期內使用。

內裡有說明書，開蓋後有錫紙包裝。質地好滑好爽，皮膚好快吸收。

塗在明顯的印痕上，慢慢會變淡，要持續每天塗抹，才見到明顯效果呢！

產前講座: 惠氏, 智多健, BBcare, Baby Planner及Baby magazine講座

七月繼續努力參加不同的講座，除左增加知識，又可以拎好多岩bb用既野，一口氣參加左5個！慢慢一個個介紹先！

1) 惠氏講座

*我參加了18/7的早場講座，最早個場9:30！今次係抽左3次之後終於抽到左，好彩！我前一兩日見沒有通知，以為沒份，但心有不甘，點解抽甘多次唔中，我都揀最早場啦，所以就厚面皮甘打電話去問惠氏，結果佢地話我有份！哈哈！惠氏很值得去，除左禮物都豐富，而且講者也很好，第一部份是講營養，第二部份是護士示範沖涼換片及自己實習！係每對夫婦一隻假bb比你慢慢試架！所以唔怪得甘受歡迎，全場都差不多爆滿！推薦！

2) 智多健講座

*我參加了19/7的講座，之前係有人打電話來叫我參加，甘諗住拎下禮物聽下無咩所謂，地點也近，所以參加了。點知原來都幾悶下，有好多分析同數據，有好多圖同新聞，研究資料等等，不過成場就剩係聽到個講者不停甘DHA AHA...，同埋佢地牌子既魚油丸比其他品牌優勝等等。禮物也不錯，不過安排有點搞笑，要去到星光行拎，因為文化中心唔俾派禮物。

3) BBcare 安全第一及代謝病講座

*參加了19/7的講座，本身對題目有興趣，講者係之前既talk都聽過，唔錯，幾生動又實用，所以沒有恰眼訓。化謝病個part就悶左點，不過本身都想了解下代謝病同點驗法，聽左都增加左知識。

4) Baby Planner x Weleda有機bb皮膚護理講座

*參加了21/7的講座，有護士示範，有假bb俾大家玩，唔錯。中間仲叫左準爸爸上去玩下，成場都幾好架，唔會悶。而且仲有有獎問答，我當然唔會放過拎禮物既機會啦！拎左支bb油俾bb用！不過後尾派禮物有點安排失當，竟然唔夠禮物，weleda試用要之後補寄，只拎到huggies尿片。

5) Baby magazine講座

*講座一入場就派禮物，最後有抽獎，不過沒咩抽獎運，沒份。講座有點悶，可能同之前聽既都差不多，產前產後，bb打針之類。禮物還可以，不算多。

Shu Uemura x U Magazine 夏日彩妝工作坊

當接到電話時很開心，很意外可以抽中工作坊！第一次啊，之前都從來沒有參加過Shu Uemura的化妝工作坊，所以今次很感謝邀請，真係好幸運哦！當我去到場地時，覺得環境好好，有數位化妝姐姐已準備好，每人一個化妝位置，有齊工具及化妝品係面前，真係好享受！

今次的工作坊主題是街頭藝術，是配合今季的主題，有一系列的新產品介紹。包括最新的唇彩及胭脂兩用，以及限量眼影。唔講唔知，盒面的logo是shu呢！係咪好有藝術feel呢？

同場的十多位參加者也很留心的聽講解，因為講解完後會有有獎問題！我好好彩答被抽中及答中，多一袋禮物！講解完後有化妝師示範如何利用今季新款及品牌的一系列護膚品，大家都很專心聽，然後自己親自試上面。旁邊的化妝師也很好人，會主動幫手和提供意見，讚！

最後當然是上完妝大合照，我都影下我自己搞既妝先，哈哈！

以下就是活動後送出的禮物，包括最新粉底液，胭脂唇彩兩用，以及眼線筆。另外答中問題的獎品就是上一季的限量彩妝盒，底霜，以及眼線筆。

再一次感謝Shu Uemura和U Magazine的邀請，希望下次再有機會參加啦！

產品提供：Shu Uemura http://shu-uemura.com.hk/
合辦：U Magazine http://www.umagazine.com.hk/

可以del美圖apps的面霜？L’ORÉAL PARiS活力緊緻美塗霜和眼紋擦膠筆

第一次聽到L’ORÉAL PARiS這品牌已經是中學年代了，然後最有印象廣告的李嘉欣做代言人。在個人護理用品店也很常看到，但卻沒有試用過，實在有點講唔過去。今次一試就試單睇名都好吸引的活力緊緻美塗霜，頂住不用修圖APPS就可以達到效果的護膚品，實在令人雙眼發光，哈哈！一打開摸上去很滑，很容易推，利用光感原理修飾皮膚。我覺得除了即時提亮這功能，也可以混合BB CREAM或FOUNDATION使用，可以令效果更好！另外的眼紋筆也很不錯，即時可減退了黑眼圈和浮腫。以這個價錢算是很超值呢！

紅色的包裝很搶眼！

首先介紹的是美塗霜，盒上有齊出產日期及產品資料。

打開就看到淡粉紅色的乳霜，帶有淡淡的香味，好在唔太濃。

上手感覺很滑，很容易推開，很就被吸收了。

試上面後，感覺很爽，面色也提光了。

另外不能不提這支眼紋擦膠筆了。

使用前眼圈明顯而且浮腫；使用後，眼圈淡了，連浮腫的情況也改善了。

產前講座: 生寶臍帶血庫, 安滿及雀巢講座

在六月尾起到現在都參加了不少講座，共有3個，分別係生寶臍帶血庫，安滿以及雀巢講座。

1) 生寶臍帶血庫

*我參加了27/6的臍帶血庫講座，去了科學園的血庫參觀。講座有大量資料關於臍血的運用，以及成功治療的病患個案。不過最平的也需要$19,999，對我們來說也是有點貴，不過，若是買個保障，或家中有遺傳病之類，可考慮一下。講座完了也有禮物包送，有嬰兒護理產品，口水肩，濕紙巾等。

2) 安滿講座

*參加了4/7的講座，這是令我喜出望外的講座，終於抽中了。而且今次是我產檢醫生主講，題目係產前檢查及生產過程，比起上次孫醫生的，有些資料及相片更加令我大開眼界，其實都幾血腥不過又真係好真實，解開左我好多迷思。成場我都好專心甘聽，靳醫生也答左好多問題。推薦！禮物也很豐富，除了圖中所見的沐浴油及嬰兒護理產品外，還有一張KINETIC的換領卷，可以去換牛牛被同初生奶粉，實在太好了。

3) 雀巢講座

*這是的另一個很想參加的講座，因為是講關於嬰兒照顧問題，同樣也是與KINETIC合辦的。今次禮物與上一次雀巢的講座有點不同，今次變了嬰兒護理產品，以及女士護理液。當然最吸引的是KINETIC卷可換到初生奶粉，好開心啊。

其實除了禮物外，最開心係可以從醫生口中得知產前產後護理及生產過程，以及從護士示範中學到照顧嬰兒技巧，所以7月打後的日子也繼續努力參加不同的講座！