讓皮膚直接享受補品！香港製彩豐行花膠養顏精華

花膠是眾所皆知的補品，有豐富骨膠原，女性恩物！話說我生完也享用了花膠，挺喜歡花膠的味道和口感，養顏補身。原來花膠唔單單用來煲湯和入饌，仲可以變成護膚產品，皮膚直接享用！甘創新的產品原來是由香港生產製造的彩豐行出品，花膠養顏精華是也！今次係第二次試用香港製產品，對本土產品有信心。水潤的質地一點也不黏稠，很容易推開和讓皮膚吸收，為皮膚帶來水潤緊緻的即時效果。

包裝簡單，玻璃瓶設計令人感到好珍貴呢！

盒上很清楚顯示開封後使用期限，成份介紹及有限日期。

吸管設計方便，用幾多都一目了然，質地上手很水潤。

推開後即時吸收，可比較左右手，塗上明顯變得水潤亮白。

上面感覺良好，容易推開很快就完全吸收。產品帶香味，來自天然的精華成份。

被那流線陶瓷香薰機吸引 來自以色列的天然品牌Sabon

在雜誌中看到個限量流線型的陶瓷香薰機，所以去尖沙咀專門店看看。原來有這樣的一間店，店裡古色古香，經SALES姐姐介紹後，是來自以色列的新晉品牌，以天然的潔膚肥皂起家。產品有很多元化，例如嬰兒用品，洗髮系列，護膚系列等。最終買左個靚靚香薰機，同埋買一送一的潔面泡。

香薰機是多用途的，可當香薰機，放濕機也可以，也是一座台燈。

買一送一的潔面泡泡，$220，另外加送了櫃筒紙。

個香薰機就像藝術品一樣，好喜歡。

買滿一定金額就可以加入會員儲分當現金用，永久的。

放在梳妝台上和其他擺設一齊放，見到都令人心身舒暢。

九月份產前講座: Baby magazine, 荷士蘭及雪印

相信這3個講座是最後了，因為很快就是預產期了。這三個講座當中最有用是雪印，最差係荷士蘭。

1) Baby magazine講座

*參加左22/9的講座，上次聽唔晒，今次再去聽多次。禮物同上次一樣，主題係兒科同打針。個講座好快就完，未夠八點半就散場，都好，可以早點回家休息。

2) 荷士蘭講座

*參加左26/9的講座，點解最差？係安排同主題差。首先，我唔係第一次去，之前第一次去係唔差，最初安排入座唔係等太耐，可能係一開沒有宣傳有現金卷派，我一點半去到都唔係太多人，排到50幾左右。今次我仲早去到，點四個字已經打晒蛇餅，安排很差，排左半個鐘先登記到，仲要話沒晒派晒啦。派完都算，安排很差，派到94就話同事搞亂左所以早就派左95-100啦，然後大把阿婆排隊就拎晒人人一張現金卷，一個人排幾個家庭來打尖，我前面個個就係甘。算啦，聽下，營養師講得好麻麻，成場好多bb叫，好心唔好叫bb啦，我都沒心機聽。上次都已經吵，今次更加吵，因為更多bb。係最後講下CQ同AQ先有少少興趣。唉，大家要去，有心理準備好吵，同埋唔該你要現金卷既，12點去排啦，注意，講座係2點幾先開始，到4點完，花3,4個鐘去拎張$100現金卷，最好搵D家人扮幾個家庭啦，好心佢地主辦單位反省下。

3) 雪印講座

*參加左雪印，開心，因為主題岩聽，講坐月，很實用。禮物也不錯，星星袋好靚。好過個個虐待人待半個鐘得包濕巾，主題又廢，宣傳做得差。睇下人地其他牌子幾好，真心諗下講座內容岩唔岩人聽，禮物是否吸引，場地安排是否妥當。好在最後一個產前講座都真係實用幫到手，我可以收工啦，哈哈。

來自泰國的天然護膚 有機蠶絲蛋白面部精華

去泰國嘆SPA，買NARAYA蝴蝶袋，陽光與海灘，咦，好像差甘啲野。就係護膚品啦！其實唔好睇少泰國品牌，早年有同事送的玫瑰潔面肥皂，試完覺得感覺良好。還有身體護理的產品，按摩油，潤膚露等等，其實也絕不比韓國產品遜色。來自泰國的I am green，全天然材料，有有機蠶絲絲膠，野生薰衣草、天竺葵、依籣及茶樹活躍提取物，可以幫助皮膚增強抵抗力，回復彈性。產品出奇地極易吸收，一抹就已經變成水狀，迅速滲入皮膚，讚！最喜歡這種清爽的感覺！怕太潤既朋友，這個gel狀的天然保濕精華不妨一試呢！

簡約的包裝，包裝盒也是環保的再造紙。

盒上有說明生產及到期日，以及產品說明，寫英文架！

拆開後原來仲有一層膠，有貼上聯絡方法，如有問題可以電郵。

初用要按壓數下，一泵的份量，試上手後一推即時吸收，即時水潤亮澤。

上面我用左三泵，兩泵唔夠推全面，因為實在太吸收了！用後面滑左，緊致左，而且好清爽！

SOFINA X BeautyExchange 千人試用活動 - Sofina Multi Cover UV Base

多謝SOFINA和BeautyExchange的試用活動，可以試到新款的Multi Cover UV Base。原來呢支係升級版，十月份先開賣，所以今次既貨裝試用機會難得呢。一直都挺喜歡SOFINA的產品，尤其是朝之美白防曬，保濕得來又很清爽。今次呢支BASE係主打既有一定遮暇度又可以柔化毛孔，吸收多餘皮脂，抗水抗汗且有一定持久度。一支基本上可以用來當粉底用，然後上碎粉就可以。如果多色斑要遮可以加埋遮暇再上粉餅，基本就可以做到素顏了。事不宜遲，分享下試用結果先！

包裝是一貫的粉紅色X啡色風格，一向都是Primavista的風格。

盒背後很詳細的寫了這支base的特點，當中有很多漢字，就算不懂日本都可以大概明白呢。

每次使用份量是8mm，輕輕一擠就足夠了。

 首先試上手，雖然只有一隻色，但擠出來的顏色也跟我的膚色貼近，唔怕太白或太深色。

上面之前當然要清潔左面部同搽好護膚打底先，呵呵！

上面時我選擇T位及臉頰位都點幾點，然後就是其他位置，之後再慢慢用指腹推開。推開時很滑，一點也不結身，容易推勻全面。

上面後整體面色改善左，可以遮到部份淡色斑，鼻位附近的毛孔也變得不顯眼。

最後上左少少遮暇，同埋上粉餅，即時LEVEL UP！

一支就可以做到防曬同遮暇效果，最緊要係質地清爽，大愛！

即時出街幾個鐘，面部都保持到乾爽，出油情況有改善。就算而家天氣甘熱，出晒汗，用紙巾輕印汗水對妝容也沒什麼大影響。比起之前沒用BASE，印到紙巾一攤攤粉底呢！

產品提供：SOFINA

活動主辦：SOFINA & BeautyExchange.com

Cosmo x bread n butter Fleuriste Class

事隔唔夠一星期又有活動啦，今次好開心可以參加COSMO X BREAD N BUTTER FLEURISTE CLASS，學整靚靚花球。今次仲可以帶朋友仔去，我當然係帶左我個GOOD FD去啦！大家齊齊來過悠閒下午！首先導師介紹今日活動流程同示範，然後大家就落手整。我係第一次整，算係甘，哈哈。大家都好有心機，個個都整得好靚！導師好幫手，教得也好仔細，真係多謝佢地同埋COSMO！當然唔少得係多謝BREAD N BUTTER提供場地及花材！希望下次再有機會參加類似的活動！

Bread n butter VIP Day

今次係第一次參加品牌VIP DAY，第一次被邀請的感覺好正，哈哈！最初聽到有CREPE SET二人餐，同埋可以當日報名整天氣瓶，當然係答應出席！因為天氣瓶班平日參加要幾百蚊，而且仲有甜品餐，太吸引了。確定出席後，都有店員打來再確定出席，以及天氣瓶班的開班時間，因為好受歡迎，店員建議要早半小時到。早去當然沒問題啦，當去睇靚衫同食甜品。去到很有驚喜，有兩位型男係門口歡迎你，仲有盒靚靚花送俾你！除此之外，有VIP紀念品小鏡一塊，同埋當日購物COUPONS。當時已有好多人在店裡，幸好報到天氣瓶班，同熊爸爸齊齊整天氣瓶！

玩完之後當然係醫肚，甜品沒晒了，我地叫左兩個MAIN COURSE！係MAIN COURSE！我同熊爸爸飽到連晚餐都沒食，真係好正！名副其實又食又拎！當然唔少得我用左COUPON買下冬裝，嘻嘻！

飲完食完買完，我地係附近行行，有哈哈笑同我地齊齊開心SMILE。

我只係敢坐，唔敢轉，哈哈！ 

八月及九月份產前講座

雖然個肚慢慢大，但都繼續參加講座，因為可以幫BB拎到禮物之餘，有些講座真係值得去，尤其是雅培同KINETICS！

1) 美贊臣

*參加了11/8的講座，忘記了內容了，好像是嬰兒疫苗，再去美贊臣的原因是因為有媽媽奶，但由八月份起已沒有媽媽奶送了，只有U形枕，連A+被仔都沒有了。個U形枕都幾靚的。

2) 全健醫護

*參加了15/8的全健講座，全場都滿滿，好多人聽。由港安醫院的女醫生講生產過程，同其他醫生講既又有不同，所以其實聽下都沒壞，之後由護士講疫苗，都幾詳細，禮物也不錯。

3) 雀巢講座

*參加了19/8的講座，係中央圖書館。本身已經遲了開始，前半部還可以，後半部其實悶悶地，因為個護士講既水解蛋白同嬰兒一千日等等已經聽過了，而且示範也比較趕，時間控制要留意。很多媽媽也覺得雀巢為什麼禮物不豐富，其實是要看協辦，如果是BB CARE或醫護聯盟，禮物多數只有換片墊，尿片試用等，最多有套沖涼，是不會有初生奶粉。大家若是想要奶粉，就要參加和KNIETICS合辦的，會有一張劵去KINETICS換衫生奶粉。

4) 雅培講座

*終於成功參加到雅培了，報左4次，終於中到，真係好難中。但是很值得去的，因為講座的內容很豐富。首先由兒科醫生以輕鬆有趣的方式去講父母會遇到的問題，如為什麼BB會沒頭髮，BB會否痴脷根等等，好正。之後會講嬰兒按摩，很實用。最後大家會到另一個大廳參加不同的攤位，有營養師，陪月等教你照顧嬰兒，換片，餵奶，很多元化，推薦！禮物是胎心機，還有很實用的紀錄表，每日都可以紀錄BB的飲食。

5) KINETICS講座

*終於又參加到另一個必去的講座了，就係KINETICS了，中左7/9的講座。又係抽左好多次，真係要到生先中到。哈哈。講座內容好實用好PACK，分左三部份。首先是陪月同護士講打針疫苗，講照顧嬰兒的雜項，最後是營養師，其實我可能聽得太多營養師，定我覺得真係講來講來都係個D營養野，我真係覺得沒咩興趣，反而講生產我又唔介意聽多幾次，講產前產後運動護理都好，育兒技巧以及照顧初生TIPS也有興趣，總之就對營養師講既沒咩興趣啦。這個講座建議大家真係要一有左就報，報報報到生前應該中到。今次禮物係惠氏S26，現場派的禮物也很豐富！

6) 雀巢講座

*參加左14/9的那場，為什麼又去？本身對產前產後運動有興趣，二來為了奶粉，哈哈。今次內容實用，只是營養學一般啦。

7) 美贊臣講座

*參加左16/9的講座，今次講打針，同埋有假BB可以示範按摩，幾好玩。有時間也不是單單因為禮物，而是想多學多做，為之後準備。

因為就來放產假了，可以參加的講座已唔多，而且要準備入院野，開始慢慢緊張了，哈哈。希望一切順利！